Carta Roberti abbatis et conventus de Tauystok

Vniuersis Christi fidelibus ad quos present littere peruenerint Robertus dei gracia abbas Tauystoch et eiusdem loci conuentus salutem eternam in domino. Nouerit vniuersitas vestra nos pro nobis et successoribus nostris dedisse et unanimiter concessisse nobili viro domino Hugoni de Curtenay et heredibus vel assignatis suis quod ipsi pro tempore future presentare possint vnum de filiis suis cuiuscumque fuerit etatis nobis per litteras suas patentes. Ita quod nos dictum filium suum per presentacionem vel missionem suam ad ordinem monachatus et habitum in domo nostra admittere teneamur qui honeste habitum portare poteri vel aliquam aliam personam competentem et honeste conuersacionis existentem quam duxerint presentandam statim post confeccionem presencium et quod vna personarum praedictarum cedent vel decedent. Prefatus dominus Hugo et heredes vel assignati sui aliam personam loco eiusdem presentare poterint in forma prenotata per nos et successores nostros absque omni dilacione seu cauillacione aliquam admittendere successiue inperpetuum. Insuper concessimus quod nos et successores nostri de anno in annum teneamus sollempniter celebrare in maiori ecclesia domus nostre anniuersarios none memorie domini Hugoni de Curtenay patris praedicti Hugonis et eciam nobilis mulieris domine Alyanore uxoris quondam praefati domini Hugonis patris et omnium